«Astana-AEK» elektr energııasy tarıfin ózgertpek

<p>&laquo;Astana-AEK&raquo; AQ elektr energııasy tarıfin 13,6 paıyzǵa kóterýdi josparlap otyr. Osyǵan oraı búgin Astana qalalyq tabıǵı monopolııalardy retteý departamentinde jarııa tyńdaý ótti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Tarıfti 13,6 paıyzǵa kóterýdi josparlap otyrmyz. Ol strategııalyq taýarlar, ıaǵnı elektr energııasy, qyzmet kórsetýge ketetin shyǵyndy talap etetin energııa nysandaryn balansqa alý qunynyń kóterilýine baılanysty. Sonymen qatar jalaqy kóterý, ındeksteý, jelilerdi jańǵyrtý boıynsha ınvestıtsııalyq baǵdarlamalar úshin qosymsha ınvestıtsııalaý, kabel jelilerin aýystyrý jáne transformator stansalaryn jańartý júrip jatyr. Bıyl biryńǵaı satyp alýshynyń engizilýine baılanysty elektr energııasyn satyp alý modeli ózgerdi. Biz biryńǵaı satyp alýshy usynǵan baǵamen elektr energııasyn satyp alýǵa májbúrmiz», — deıdi «Astana-AEK» AQ basqarmasynyń tóraǵasy Rýslan Ábjanov.

Astana qalalyq tabıǵı monopolııalardy retteý departamentiniń málimetinshe, jarııa tyńdaý qorytyndysy boıynsha aıtylǵan usynystar men eskertýler qaperge alynyp, túpkilikti sheshim qabyldanady.

Oń sheshim qabyldanǵan jaǵdaıda «Astana-AEK» AQ-tyń elektr energııasy tarıfi 6,50 teńge/kVat saǵattan 7,39 teńge/kVat saǵatqa deıin kóteriledi.