«Astana - adaldyq alańy» jobasy aıasynda bir jylda 450 mln teńge únemdelgen
Jobalyq keńse engizgen jańashyldyqtardyń biri - Saryarqa aýdany ákimdigimen birlesip, «Open space» tehnologııasyn engizý arqyly joba keńsesi men azamattar arasyndaǵy qarym-qatynasty ornatý formatyn ózgertý. Bul tehnologııa turǵyndardyń kabınetterdi aralamaı-aq, tez arada sapaly qyzmet alýyna múmkindik beredi. Sonymen qatar, jobalyq keńse alǵashqy medıtsınalyq-sanıtarlyq kómek kórsetý ortalyqtaryn azamattar úshin yńǵaıly etýdi qamtamasyz etý jumystaryn júrgizdi. «Jańǵyrtý jumystary barlyq bastapqy medıtsınalyq-sanıtarlyq kómek kórsetý ortalyqtarynda júrgizildi. Qarjy shyǵystaryn ońtaılandyrý aıasynda bolǵan jumys nátıjeleri boıynsha barlyq emhanalarda qosalqy qyzmet aýtsorsıngterge berildi, sonyń arqasynda jylyna shamamen 300 mln teńge únemdeýge múmkindik týdy», - dedi Jazıra Jylqyshıeva.
Únemdelgen qarajat esebinen emhanalarǵa sandyq aqparattyq dúńgirshekter, halyqaralyq standarttarǵa sáıkes keletin navıgatsııa júıesi, balalar alańy, biryńǵaı brendbýk, resepshnder, sýy bar dıspenserler ornatyldy. Eń bastysy, ishki qujattar men patsıentterdiń ambýlatorlyq kartalary tsıfrlandyryldy. Sonymen qatar, Jylqyshıevanyń aıtýynsha jobanyń qamqorlyǵymen vedomstvolyq baǵynystaǵy mekemelerdi ońtaılandyrý júrgizildi. Mysaly, balalar úıiniń ákimshilikteri jáne № 54 mektep-lıtseı shyǵystardy ońtaılandyrý nátıjesinde 150 mln teńgeni únemdedi. Únemdelgen qarjy esebinen oqýshylar úshin jańa zamanaýı kabınetterdi ashýǵa, mekeme qyzmetkerlerine ústeme aqy belgileýge múmkindik týdy.