«ASTANA-1» aqparattyq júıesi jetildiriledi - Qarjy mınıstrligi

ASTANA. QazAqparat – Bıyl jyl sońyna deıin «ASTANA-1» aqparattyq júıesi jetildiriledi. Bul týraly Qarjy mınıstrligi Memlekettik kirister komıteti Baqylaý departamentiniń dırektory Eldos Saýdabaev aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha Memlekettik kirister komıtet múddeli memlekettik organdarmen birlesip «bir tereze» qaǵıdatymen ıntegratsııalanǵan baqylaýdy engizý boıynsha jumystardy júrgizýde. Jumystar aıasynda egjeı-tegjeıli taldaý júrgizilip, syrtqy jáne ishki keden beketterinde, onyń ishinde kedendik rásimdeý ortalyqtarynda ıntegratsııalanǵan baqylaýdy júrgizýdiń tehnologııalyq protsesi qaıta qaraldy», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, júrgizilgen taldaý nátıjeleri boıynsha ıntegratsııalanǵan baqylaýdy uıymdastyrýdy kózdeıtin bıznes-protsess ázirlendi.

«Bul bıznes-protsess osy jyldyń 1-toqsanynda keńeste barlyq qatysýshy memlekettik organdarmen qaraldy jáne maquldandy. Búgingi tańda «ASTANA-1» aqparattyq júıesi jetildirilip jatyr. Osy jyldyń sońyna deıin bul jumys aıaqtalady», - dedi Eldos Saýdabaev.