«Astana-1» aqparattyq júıesi sáýirde iske qosylady - Baqyt Sultanov
Memleket basshysy Úkimettiń keńeıtilgen otyrysynda Qarjy mınıstrligine de birqatar tapsyrma bergen bolatyn. Birinshisi, «Astana-1» aqparattyq júıesin iske qosýǵa qatysty.
Biz ony osy jyldyń basynan iske qosýǵa tıis bolǵanbyz. Biraq, tehnıkalyq problemalarǵa baılanysty bir toqsanǵa keıinge shegerilip otyr. Bul júıe ıÝNKTAD-qa tıesili jáne olar qajetti konsýltanttar berý tıis edi. Men ózim ıÝNKTAD basshylyǵymen birneshe ret kezdestim. Sońǵy ret eki apta buryn bas hatshysy Kıtýımen kezdesip, nátıjesinde biz 28 aqpanda «Astana-1» júıesin testik rejiminde iske qosamyz dep ýaǵdalastyq. Sáýirde tolyqqandy iske qosý josparlanyp otyr», - dedi mınıstr.
Sonymen qatar onyń aıtýynsha, «Bir tereze» prıntsıpin engizý úshin kedendik rásimderden ótý jáne elektrondyq ózara is-qımyldy jalǵastyrý kezinde ASYSER platformasynda 9 ruqsat berý qujatyn avtomattandyrý júrgiziledi. Bul ıÝNKTAD júıesi platformasynda da iske asyrylady.
«Ult josparyna» sáıkes ony jyldyń sońynda iske qosýǵa tıis bolatynbyz. Biraq, biz joǵaryda atalǵan 9 modýldi 2018 jyldyń 1 qazanyna deıin paıdalanýǵa engizýdi josparlap otyrmyz. Ol úshin mamyr aıynda test rejiminde iske qosamyz. Kedendik tazartý úshin qajetti qalǵan 42 ruqsat berý qujaty boıynsha «ASTANA-1» aqparattyq júıesin «E-lıtsenzııalaý» memlekettik derekqorymen ıntegratsııalaý júzege asyrylatyn bolady», - dedi Baqyt Sultanov.