Astan qurt shyqty: Pavlodar mektebiniń dırektory sógis aldy

<p>Pavlodarda mektep ashanasynyń tamaǵynan qurt shyqty.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://pavlodarnews.kz/admin/@Pavlodarnews.kz." target="_blank" rel="noopener">Pavlodarnews.kz</a>-ke silteme jasap habarlaıdy.</p>

M.Áýezov atyndaǵy orta bilim mektebiniń ashanasynda botqa men kotlettiń arasynan shyqqan qurtty oqýshy fotoǵa túsirip, anasyna jibergen. Keıin foto áleýmettik jelide tarady.

Aqparatqa sáıkes, bilim mekemesiniń ákimshiligi, oqýshylardyń ózin-ózi basqarý toby jáne ata-analar qaýymynyń ókili jedel tekseriske shyqqan. Onyń qorytyndysy boıynsha botqany pisirýge paıdalanylǵan jarma buzylmaǵany jáne tamaq ázirde ǵana pisirilgeni anyqtalǵan.

Pavlodar qalasynyń bilim berý bóliminiń basshysy Qýanysh Qydralınniń aıtýynsha, M.Áýezov atyndaǵy orta bilim mektebiniń dırektoryna sógis jarııalandy.

«Mundaı shara mekteptegi tamaqtaný máselesin durys baqylamaǵany úshin qabyldandy. Ashanany jalǵa alýshymen kelisimshart buzylǵan joq», – dep naqtylady Qýanysh Qydralın.

Oblystyq sanıtarlyq-epıdemıologııalyq baqylaý departamenti botqanyń ishinde qurtty tapqan oqýshynyń anasy shaǵym jazýdan bas tartqanyn habarlady. Al departament aryz bolmasa, ózdiginen tekseris júrgize almaıdy. Degenmen, departamentke mektep dırektorynyń atynan jeke kásipkerge qatysty hat túsken. Hat QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń oblystyq organdarynda tirkelgennen keıin, tekseris júrgiziletin bolady.