Assambleıanyń Jańa Qazaqstandy qurýda ózindik mıssııasy bar – Taýfık Karımov
«Bıylǵy Joldaý Jańa Qazaqstan men Ekinshi respýblıka qurylysynyń praktıkalyq-materıaldyq bazasyn jáne áleýmettik irgetasyn quraıdy. Usynylǵan ekonomıkalyq reformalar paketi damýdyń sıpatyn tereń ózgertedi. ıAǵnı azamattarymyzdyń áleýetin ashýǵa baǵyttaıdy. Áleýmettik blokty damytý jónindegi júıeli sharalar memlekettiń barlyq salasyn – ekonomıkany, áleýmettik salany, saıasatty úılesimdi jáne teńgerimdi damytýdy qamtamasyz etedi. Assambleıa Joldaý mindetteriniń tikeleı qatysýshysy jáne belsendi iske asyrýshy. Qazaqstan halqy Assambleıasynyń Jańa Qazaqstandy qurýda ózindik erekshe mıssııasy bar», - dedi QHA tóraǵasynyń orynbasary Taýfık Karımov elordada ótken Qazaqstan halqy Assambleıasynyń keńeıtilgen otyrysynda.
Onyń aıtýynsha, qoǵamdyq kelisim men jalpyulttyq birlik tabysty reformalardyń basty sharty bolyp qala beredi.
«Qazaqstan – bizdiń basty qundylyǵymyz. Saılaý kompanııalary men saıası kúshterdiń básekelestik taıtalasy barysynda Qazaqstan halqy Assambleıasynyń basty mindeti – jalpyulttyq qundylyqtarymyzdy, memlekettik tildi, qoǵamdyq kelisim qaǵıdatyn, etnosaralyq turaqtylyqty qorǵaý jáne nyǵaıtý», - deıdi ol.
Aıta keteıik, elordada Qazaqstan halqy Assambleıasynyń keńeıtilgen otyrysy ótti. Onda Assambleıa músheleri QR Prezıdenti Qasym-Jomart Toqaevtyń Qazaqstan halqyna Joldaýynda aıtylǵan basty jaıttardy ortaǵa saldy. Sharaǵa respýblıkalyq etnomádenı birlestikter basshylary, Májilis depýtattary, QR Aqparat jáne qoǵamdyq damý mınıstrligi jáne qoǵamdyq uıymdardyń ókilderi qatysty.
Foto: assembly.kz