Assambleıanyń depýtattyq toby óńirlerge saparlaıdy

ASTANA. QazAqparat - QHA-nyń depýtattyq toby QHA Hatshylyǵymen birlese Memleket basshysy Joldaýyn tıimdi júzege asyrýǵa bar kúsh-jigerin salady. Bul týraly Parlament Májilisi tóraǵasynyń orynbasary Vladımır Bojko málim etti, dep habarlaıdy QazAqparat.

«17-27 qazan aralyǵynda óńirlerge sapar kezinde Joldaýdyń ıdeıalary men QHA respýblıkalyq keńesiniń úndeýine ekpin qoıý kerek. Osy oraıda bul baǵytta qarastyrylyp jatqan zań jobalary týraly egjeı-tegjeıli túsindirgen jón», - dep toqtaldy V. Bojko Parlament Májilisinde ótken QHA depýtattyq tobynyń otyrysynda.

Sonymen qatar ol QHA keńesi mańyzdy maqsat retinde áleýmettik jelilerde, BAQ-tarda Joldaý taqyrybyn belsendi nasıhattaýdy belgilegenin atap ótti. Munymen qosa, QHA hatshlyǵy, etnomádenı birlestikter jumys josparyna qajetti ózgerister engizý eskerilgen.

«Sonymen qatar, Joldaý aıasynda 2019 jyly Jastar jyly dep jarııalanǵandyqtan, QHA-nyń «Jańǵyrý joly» jastar qozǵalysy aldynda turǵan problemalardy joıýǵa qoldaý jasaý kerek», - dedi V. Bojko.

 «QHA-nyń depýtattyq toby QHA Hatshylyǵymen birlese Memleket basshysy Joldaýyn tıimdi júzege asyrýǵa bar kúsh-jigerin salady», - dep túıdi Májilis tóraǵasynyń orynbasary.

Eske sala keteıik, Memleket basshysy Nursultan Nazarbaev 2019 jyldy Jastar jyly dep jarııalaýdy usyndy. 

Budan buryn habarlanǵandaı, depýtattar óńirlerge saparlaǵan kezde balabaqshalardyń beınebaqylaý qurylǵylarymen jabdyqtalýyna nazar aýdarady.