Assambleıa jalpyulttyq birlikti nyǵaıtýda mańyzdy ról atqardy - Prezıdent

ASTANA. QazAqparat – Assambleıa reformalardy qoǵamdyq turǵyda qoldaýdy keńeıtýge yqpal etti. Bul týraly búgin elordada Qazaqstan halqy Assambleıasynyń sessııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

Prezıdenttiń aıtýynsha, elimizdegi aýqymdy túrlendirý barysynda Assambleıaǵa erekshe kóńil bólindi. Bul biregeı ınstıtýt halyqaralyq ozyq tájirıbege tolyǵymen sáıkes keletin parlamenttik ókildiktiń jańa tetikterine ıe boldy.

Sonymen qatar Qasym-Jomart Toqaev Assambleıanyń usynysy boıynsha Prezıdent taǵaıyndaıtyn Senattyń bes depýtaty zańnamalyq deńgeıde keri baılanysty, qoǵamdyq baqylaýdy qamtamasyz etýge jáne Parlamentte Qazaqstannyń barlyq etnostarynyń múddelerin bildirýge jumyldyrylǵanyn aıtty.

Munymen qosa, Assambleıanyń 12 múshesi Ulttyq Quryltaı quramyna enip, onyń jumysyna jalpyulttyq dıalogtyń ámbebap úlgisin ilgeriletýde baǵa jetpes tájirıbe ákeldi.

Memleket basshysynyń sózine qaraǵanda, Assambleıa elimizdiń saıası jańǵyrýynda, jalpyulttyq birlikti nyǵaıtýda mańyzdy ról atqardy. Assambleıa reformalardy qoǵamdyq turǵyda qoldaýdy keńeıtýge, memleket damýynyń strategııalyq mindetterin sheshýge barlyq etnostardy tartýǵa yqpal etti.

Budan buryn habarlanǵandaı, Prezıdent Qasym-Jomart Toqaevtyń qatysýymen Qazaqstan halqy Assambleıasynyń HHHІІ sessııasy bastaldy.

HHHІІ sessııanyń taqyryby – «Ádiletti Qazaqstan: birlik, turaqtylyq, damý».