Aslanbek Shúıinshálıev Aqtóbe qalasynda aýdan ákimi boldy

<p>Aslanbek Shúıinshálıev Aqtóbe qalasy Almaty aýdanynyń ákimi bolyp taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aqtóbe qalasy ákimi baspasóz qyzmetiniń málimetinshe, Prezıdent Ákimshiliginiń jáne Aqtóbe qalalyq máslıhatynyń kelisimimen Shúıinshálıev Aslanbek Serikuly Almaty aýdanynyń ákimi laýazymyna keldi.

Aslanbek Shúıinshálıev 1988 jyly dúnıege kelgen. Qazaq-orys halyqaralyq ýnıversıtetin "quqyqtaný", Almaty ekonomıka jáne statıstıka akademııasyn "ekonomıka", QR Prezıdentiniń janyndaǵy Memlekettik basqarý akademııasyn "óńirlik damý" biliktiligi boıynsha aıaqtaǵan.

Aqtóbe oblysynyń balalardyń quqyqtaryn qorǵaý departamentinde, Aqtóbe jáne Batys Qazaqstan oblystary boıynsha básekelestikti qorǵaý (monopolııaǵa qarsy) ınspektsııasynda, oblys boıynsha aýmaqtyq jer ınspektsııasynda jumys istegen. Qarǵaly aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, Qarǵaly aýdany Badamsha aýyldyq okrýginiń ákimi, Alǵa aýdandyq qarjy bóliminiń basshysy, oblys ákimi apparatynyń uıymdastyrý-ınspektorlyq jáne taldaý bóliminiń bas ınspektory, Qarǵaly aýdany ákiminiń orynbasary, oblys ákimi apparatynyń quqyq qorǵaý organdarymen ózara árekettesý bóliminiń basshysy bolyp qyzmet atqardy.

Osy laýazymǵa taǵaıyndalǵanǵa deıin Aqtóbe oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy boldy.