Aslanbek Shymbergenovke qııanat jasady: Qazaqstan boks federatsııasy HOK-qa resmı júginbek

<p>Qazaqstan boks federatsııasy Azııa oıyndarynyń jartylaı fınalynda qola medal alǵan Aslanbek Shymbergenovtyń sońǵy jekpe-jegine qatysty Halyqaralyq olımpıada komıtetine resmı júginip, narazylyq bildiretin boldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;</p>

«Tóreshilerdiń Azııa oıyndary tarıhyndaǵy eń ádiletsiz sheshimi. Qurmetti jankúıerler, álem chempıony, Qazaqstan quramasynyń kapıtany Aslanbek Shymbergenovtyń jartylaı fınal kezdesýinde tóreshilerdiń óte ádiletsiz sheshimine qatysty óreskel oqıǵa oryn aldy. Shymbergenov búkil jekpe-jek boıy japonııalyq Sevon Okazavany soqqynyń astyna aldy. Judyryqtary qarsylasqa dál tıip jatty. Barlyq jaǵynan myqtyraq ári basym boldy. Biraq olar Shymbergenovtyń qarsylasynyń qolyn kóterdi… Halyqaralyq olımpıada komıteti IBA-daǵy tóreshilikke árdaıym shaǵym bildirip kelgen edi, biraq Hanchjoýdaǵy Azııa oıyndarynyń jartylaı fınalynda bolǵan oqıǵa tym shekten shyǵyp ketti» dep keltiredi boks federatsııasy prezıdenti Keńes Raqyshevtiń pikirin uıymnyń Instagram paraqshasy. 

Osyǵan baılanysty Qazaqstan boks federatsııasy Azııa oıyndary boıynsha HOK tóreshisine óz talaptaryn resmı túrde bildiredi.

«Bul rette týrnırdiń eń myqty boksshylary bizdiń bylǵary qolǵap sheberlerimen birdeı jerebege túsýi, jalpy jerebeniń ótkizilý reti, tóreshilerdiń jumysyna suraqtar týyndatty. Al jergilikti boksshylarǵa „qyzyl kilem“ tóseldi… HOK qamqorlyǵyndaǵy týrnırlerde tóreshiler sheshimine narazylyq pen shaǵym berýge bolmaıdy. Qazaqstan — boks derjavasy, bokstyń kóshbasshysy retinde rıngtegi mundaı ádiletsizdik faktilerimen kelise almaıdy. Men óz tarapymnan Aslanbek Shymbergenovke jeke qoldaý bildiremin! Mundaı faktiler kapıtanymyzdy syndyrmaıdy, eńsesin túsirmeıdi dep senemin jáne ol bokstan eń mańyzdy halyqaralyq týrnırlerde Qazaqstan Týyn bıikte jelbiretedi dep oılaımyn» dep atap ótti Keńes Raqyshev. 

Eske sala keteıik, búgin Aslanbek Shymbergenovtyń Azııa oıyndarynda qola júldeger atanǵanyn habarlaǵan edik. 

Qazaqstan ulttyq quramasynyń kapıtany 71 kelige deıin salmaqta 2021 jylǵy álem chempıony, japonııalyq Sevon Okadzavamen qolǵap túıistirdi.