Aslanbek Shymbergenov pen Olga Safronova Parıj Olımpıadasynyń ashylýynda qandaı kıimmen shyǵady

<p>ASTANA. KAZINFORM &ndash; Týrızm jáne sport mınıstrligi Parıj Olımpıadasynyń ashylý jáne saltanatynda qazaqstandyq sportshylar qandaı kıimmen shyǵatynyn aıtty.</p>

«Nazarlaryńyzǵa erler men áıelderdiń paradtyq kostıými usynylyp otyr. Áıelderdiń paradtyq kostıými 8 dana (basqa taǵatyn táj pishindi dóńgelek aksesýar, jeıde, galstýk, pıdjak, shalbar, ıýbka, shulyq, sporttyq aıaq kıim). Erler kostıými 7 dana (taqııa, jeıde, galstýk, shalbar, pıdjak, shulyq, aıaq kıim). Paradtyq kostıýmdi sportshylar men delegatsııa Olımpıada oıyndarynyń ashylýy men jabylý saltanattarynda kıip shyǵady», - delingen mınıstrlik málimetinde.

Mınıstrliktegiler sportshylardyń kostıýmine bastyrylǵan oıýlarǵa jeke toqtaldy. 

Foto: QR Týrızm jáne sport mınıstrligi

«Ulttyq oıýlardyń elementteri tek sán-saltanat úshin basylǵan joq, qazaqstandyqtardyń álemdi qabyldaýy men estetıkalyq talǵamynan habar beretin tarıhı, sımvolıkalyq máni de bar. «Múıiz» erlik pen qorǵanyshtyń, kúshtiń sımvoly. ⁠«Qos múıiz» múıiz elementi beıneleıtin uǵymdardy birlikpen, úılesimmen ushtastyrady. «Qaz moıyn» sporttaǵy ıkem men eptilikti, ásemdikti beıneleıdi», - dep jazylǵan mınıstrlik aqparatynda.

Foto: QR Týrızm jáne sport mınıstrligi

Foto: QR Týrızm jáne sport mınıstrligi

Foto: QR Týrızm jáne sport mınıstrligi