Aslanbek Shymbergenov Azııa oıyndarynyń qola júldegeri atandy

<p>Qytaıdyń Hanjchoý qalasynda ótip jatqan Azııa oıyndarynda bokstan álem chempıony Aslanbek Shymbergenov qola júldeger atandy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Qazaqstan ulttyq quramasynyń kapıtany A.Shymbergenov 71 kelige deıin salmaqta 2021 jylǵy álem chempıony, japonııalyq Sevon Okadzavamen qolǵap túıistirdi.

Shırek fınalda ózbekstandyq álem chempıony Asadhýdja Mýıdınhýdjaevtan tóreshiler sheshimimen alǵashqy eki raýndta jeńilip jatyp, aqyry nokaýtqa jibergen Aslanbekke barsha qazaq eli osy Azııa oıyndarynda úlken úmit artqany anyq.

S.Okadzava – óte jyldam qımyldaıtyn, qasha júrip, upaı alýǵa tyrysatyn boksshy. Soǵan qaramastan, birinshi raýndta bes tóreshiniń úsheýi Aslanbek basym dep tapty. Ekinshi kezeńde de solaı boldy. Alaıda tóreshiler jekpe-jek qorytyndysynda jeńisti japonııalyq boksshyǵa berip jiberdi – 2:3.

S.Okadzava altyn júlde úshin taıbeılik Kan Chıa Veımen talasady.

Eske sala keteıik, budan buryn Azııa oıyndarynda Aslanbek Shymbergenovtiń ózbekstandyq boksshyny nokaýtpen jeńgenin jazǵan bolatynbyz.

Sondaı-aq Marııa Brovkova Azııa oıyndarynyń qola júldegeri atandy.

Aǵaıyndy Emelıanovtar Azııa oıyndarynyń kúmis júldegeri atandy.

Qazaqstan qorjynyna taǵy bir kúmis medal tústi.

Alekseı Lýtsenko Qazaqstan qorjynyna besinshi altyn medaldi saldy.