Áskerimiz «gıbrıdti soǵystarǵa» daıyn ba

<p>Qorǵanys mınıstrliginiń mamandary Qarýly kúshterdi álemde tendentsııa alyp kele jatqan gıbrıdti soǵystarǵa daıyndaý jumystary qalaı uıymdastyryrylyp jatqanyn málim etti, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

«Qarýly kúshterde áskerge aqparattyq-psıhologııalyq jáne kıber shabýyl arqyly áser etý áreketterine tótep berýge arnalǵan bólimsheler quryldy. Qazir osy áleýet pen múmkindikterdi arttyrý baǵytynda jumys júrgizilip jatyr. Qarsylastar «gıbrıdti» tásilder qoldanǵan jaǵdaıda memlekettiń áskerı uıymdarynyń quramyna kiretin organdar men uıymdar saıası-dıplomatııalyq, ekonomıkalyq, quqyqtyq, aqparattyq, ıdeologııalyq baǵyttaǵy baıypty sharalar qoldanady. Sondaı-aq, Qazaqstan Respýblıkasynda turaqsyzdyq ornatýǵa baǵyttalǵan ózge de áskerı emes tásilderge jaýap qatady», - dep jazylǵan mınıstrlik redaktsııa saýalyna joldaǵan jaýabynda.

Sondaı-aq, jaýapty arnaıy operatsııalardy ótkizý máselelerin pysyqtaý kezinde túrli áskerı bólimshelerdiń qanattasyp jumys isteýin shyńdaı túsýge kóńil bólinetini aıtylǵan.

«Osy atalǵan ózgeristerdiń bári Qarýly kúshterdiń jeke quramynyń áskerı qabilet deńgeıin kóterýge, qoldaǵy kúsh pen quraldy tıimdi qoldanýǵa úıretýge keń múmkindikter beredi», - delingen resmı jaýapta.