Áskerıler tehnıkalaryn sapqa qoıyp keregeni beınelep kórsetti (FOTO, VIDEO)

ASTANA. QazAqparat - Qazaqstandyq bitimgershilik batalonynyń áskerı qyzmetshileri Otan qorǵaýshylar kúni qarsańynda aıryqsha fleshmob ótkizdi, dep habarlaıdy QR Qorǵanys mınıstrliginiń baspasóz qyzmeti.

Kıiz úıdiń elmenti - kerege jasaý arqyly bitimgershi áskerı qyzmetshiler ózderiniń barlyq áriptesteri men qarýlastaryn kásibı merekelerimen quttyqtady.

Áskerı mashınalardy alty lekke tizip, olar qaqtyǵys boldyrmaı qozǵalysta naqty jáne úılesimdi túrde keregeniń sımvolyn (kıiz úıdiń quramdy bóligin) qurdy. Bul rette barlyq is-qımylǵa sanaýly mınýttar ǵana ketti.

Kerege - bul kıiz úıdiń negizgi qańqasynyń bir bóligi, ol jelge berik qorǵanys, sondaı-aq oǵan şańyraqty ustap turatyn tireýish ýyq bekitiledi.

Osylaısha, áskerı qyzmetshiler Qazaqstan armııasyn halqymyz úshin qorǵanys jáne tireýishpen salystyrdy.