Áskerıler tamaǵyna qatysty únemdeýdiń qajeti joq - Vladımır Bojko
«Búginde tamaqtandyrý quny 1225 teńge. Osy rette táýligine 4 231 kılokalorıı qamtamasyz etiledi. Ózderińiz bilesizder, sarbazdardy, kýrsanttardy úsh ret tamaqtandyrý kerek. Alaıda jyl saıyn konkýrsqa qatysatyn fırmalar tapsyrysty utyp alý úshin óz qyzmetteriniń qunyn 650-900 teńgege deıin tómendetedi. Bul turǵyda eshteńe isteı almaımyz, konkýrs zańnama aıasynda ótkiziledi, sáıkesinshe onda tómengi baǵany usynǵan utady. Bul durys emes», - dep toqtaldy mınıstr Májiliste ótken Úkimet saǵatynda.
Onyń sózine qaraǵanda, bıyl 200-dan astam fırmalar konkýrsqa qatysyp, 650-900 teńgege deıin baǵany usynǵandar utyp alady.
«Men osy másele boıynsha Premer-Mınıstrge hat joldadym. Bulaı bolmaıdy ǵoı? Áskerı qyzmetshilerdi tamaqtandyrýdy uıymdastyrý boıynsha atalǵan kórsetiletin qyzmetterdi zańnamadaǵy qoldanysynan shyǵarý qajet. Qazirgi kezde Ulttyq ekonomıka mınıstrligimen tıisti jumystardy pysyqtap jatyrmyz. Osy oraıda sizderden tıisti qoldaý jasaýlaryńyzdy suraımyz», - dedi S. Jasuzaqov depýtattarǵa qarata aıtqan sózinde.
Óz kezeginde Májilis tóraǵasynyń orynbasary Vladımır Bojko bul máselede Qorǵanys mınıstriniń sózine qoldaý bildirdi. Depýtattyń paıymynsha, áskerılerdi tamaqtandyrý sharalary laıyqty deńgeıde bolýy tıis.
«Biz qazirgi kezde «Memlekettik satyp alýlar týraly» zańnamasyn qarastyryp jatyrmyz. Meniń oıymsha, Qorǵanys mınıstrliginde bul taqyrypty uzaq talqylaýdyń qajeti joq. Eger de áskerı qyzmetshiniń energııalyq teńgerimi fızıologııalyq turǵyda aıqyndalyp, ony tamaqtandyrý boıynsha 1200 teńge qajet bolsa, onda baǵany tómendetý sharalary týraly aıtý durys emes. Osy oraıda Ulttyq ekonomıka mınıstrliginiń nazaryn bul máselege aýdartqym keledi», - dedi Vladımır Bojko.
Foto: novosti-ru.ru