Áskerıler quzǵa órmeleýden Orta Azııanyń chempıonatynda qos júldege ıe boldy

ASTANA. QazAqparat - Bishkekte quzǵa órmeleýden Orta Azııa chempıonaty óz máresine jetti. Týrnırdegi birinshilikke úsh pán boıynsha 80-nen asa sportshy baq synasty. Qorǵanys mınıstrligi Armııa ortalyq sport klýbynyń áskerı qyzmetshileri kishi serjanttar Artem men Nıkıta Devıaterıkovtar birinshilikti jeńimpazdary qatarynan kórindi, dep habarlaıdy QR Qorǵanys mınıstrliginiń baspasóz qyzmeti.

QR QM AOSK-nyń sportshylary saıys barysynda joǵary nátıjeler kórsetti. Nátıjesinde kishi serjant Artem Devıaterıkov «jyldamdyq» pen «qıyndyq» dep atalatyn saıysta eki altyn medalǵa qol jetkizdi.

Kishi serjant Nıkıta Devıaterıkov «jyldamdyq» saıysynda «qola» júldeger atandy.

Armııa ortalyq sport klýbynyń sportshylary 10 jyl boıy Qazaqstannyń myqty quzǵa órmeleýshi sportshylarynyń úshtigine kiretinin aıta ketken jón. 2007-2009 jyldar aralyǵynda AOSK-nyń sportshylary Azııanyń chempıonattary men birinshilikterinen elimizdiń qorjynyn 12 medalmen toltyrdy. Álem chempıonattarynyń nátıjeleri boıynsha álemniń on myqty sportshysy tizimine kirdi.

Endi sportshylarda Olımpıada arenasyna shyǵýǵa barlyq múmkinshilik bar. Sebebi, bıylǵy jyly Halyqaralyq olımpıadalyq komıtet 2020 jylǵy Tokıodaǵy Olımpıadalyq oıyndar baǵdarlamasyna sporttyq quzǵa órmeleýdi resmı túrde qosty. 

Eske sala ketsek, atalmysh birinshilikte quzǵa órmeleýshi qazaqstandyq komanda 6 altyn jáne 3 kúmis medal ıelenip qaıtty.