Áskerıler dzıýdodan ótken álemdik týrnırde júldege ıe boldy

ASTANA. QazAqparat - Shveıtsarııada Halyqaralyq áskerı sport keńesi (CISM) sheńberinde dzıýdodan áskerı qyzmetshiler arasynda 37-shi álem chempıonaty óz máresine jetti. Qazaqstandyq dzıýdoshylar, QR QM AOSK-nyń efreıtorlary Ǵusman men Ǵumar Qyrǵyzbaevtar týrnırdiń jeńimpazdary qatarynan kórindi.

Qorǵanys mınıstrliginiń baspasóz qyzmetiniń habarlaýynsha, 60 keli salmaqta efreıtor Ǵusman Qyrǵyzbaev aljırlyq sportshyny oısyrata jeńip, sheshýshi kezeńde, ıaǵnı, fınalda Týnıstiń sportshysyn shań qaptyrdy. Onyń aǵasy efreıtor Ǵumar Qyrǵyzbaev 66 keli salmaqta qazaqstandyq quramanyń qorjynyn qola medalmen tolyqtyrdy.

 

Atalmysh saıysqa álemniń 30 elinen kelgen 190 myqty sportshy qatysty. Qazaqstan Qarýly kúshteri quramasynyń namysyn QR QM Armııa ortalyq sport klýbynyń 8 sportshysy qorǵady. QR QM Armııa ortalyq sport klýbynda atap ótkendeı, aǵaıyndylar Ǵusman men Ǵumar Qyrǵyzbaevtar myqty, kásipqoı sportshylar bolyp tabylady. Onyń aıqyn dáleli retinde respýblıkalyq jáne halyqaralyq deńgeılerdegi týrnırler negiz bola alady. Bir sózben aıtqanda, aǵymdaǵy jyldyń kúzinde olar «qazaqsha kúresten» álem chempıondary atandy.