Áskerıler barlyq óńirlerindegi ardagerlerdi quttyqtady

NUR-SULTAN. QazAqparat – Qazaqstannyń barlyq óńirlerindegi áskerı túr men tekterde, óńirlik qolbasshylyqtarda, áskerı bólimder men áskerı oqý oryndarynda halyqaralyq qarttar kúnine oraı is-sharalar uıymdastyryldy. Bul týraly QazAqparat QM baspasóz qyzmetine silteme jasap habarlaıdy.

Qarýly Kúshterdiń áskerı qyzmetshileri ardagerler men zeınetkerlerdi quttyqtady.

Almaty qalasyndaǵy Qorǵanys isteri jónindegi departamenttiń basshylyǵy men jeke quramy parashıýtti-desanttyq brıgada quramynda soǵysqa qatystaqan 102 jastaǵy ardager Aleksandra Kazantsevanyń,

sondaı-aq UOS-nyń qatysýshysy, kórnekti jazýshy Ábdijamal Núrpeıisovaǵa jáne «Kazahstanskaıa pravda» gazeti atyndaǵy halyqaralyq maıdandyq klýbtyń Prezıdenti Leonıd Grıshti quttyqtap, jaǵdaılaryn surady.

Áskerı qyzmetshiler ardagerlerge syılyqtar syılady.

«Biz tek qana mereke kúnderi ǵana emes, kúndelikti negizdede asyl qazynalarymyzdyń hal-jaǵdaılaryn bilip turamyz. Dál ardagerler men qarttar bizge úlken ómirge qadam bastyryp, taýsylmas bilim men tájirıbe saıylady. Ony árdaıym jadymyzda saqtaýymyz qajet. Biz olardyń kóp jyldyq eńbegi men zor qyzmetine alǵys aıtamyz. Myqty densaýlyq pen uzaq ǵumyr tileımiz», – dep atap ótti Almaty qalasyndaǵy Qorǵanys ister jónindegi departamenttiń bastyǵy polkovnık Amantaı Úserbaev.

Sonymen qatar radıoelektronıka jáne baılanys Áskerı-ınjenerlik ınstıtýty men Qurlyq áskerleri Áskerı ınstıtýtynyń kýrsanttary Uly Otan soǵysynyń ardagerlerin, Vıktor Pıýro men Elızaveta Fılatovany quttyqtap qaıtty. Maıdangerler syılyqtar men quttyqtaýlaryn qabyl alyp, bolashaq ofıtserlermen qushtarlana áńgimelesti.

Soǵysta medbıke bolǵan kishi serjant Elızaveta Fılatova, urys dalasyndaǵy jańbyrsha jaýǵan oqtardyń arasynda jaraly jaýyngerlerdi medıtsınalyq pýnktterge tasyǵandaryn, alǵashqy kómekti qalaı jasaǵandaryn baıandap berdi. Aǵa serjant Vıktor Pıýro Lenıngrad maıdanyndaǵy soǵysta artellerıst bolǵan.

Kýrsanttar úshin surapyl soǵys jyldarynda erlik kórsetken ardegerler, olarǵa árdaım batyldyq, qaıtpas qaısarlyq pen beriktiktiń eren úlgisi bolatynyn maqtanyshpen aıtady. «Qarttar kúni – qart býynǵa túsinistikpen, syılastyqpen qaraý kerek ekendigin eske salady. Biz olardyń aldynda qaryzdarmyz, alaıda asyl qazynalarymyzdyń ómirlerin nurǵa jáne jylýǵa toltyrý bizdiń qolymyzdan keledi. Biz jyly sózdermen olardy qoldaýǵa tıispiz» – dedi bolashaq ofıtser.

«Jas Ulan» respýblıkalyq mektebiniń tárbıelenýshileride shet qalmady. Shymkent qalasyndaǵy ulandar Sultanbek Tórekeldi ardagerdi quttyqtady. Úıiniń aýmaǵyna senbilik uıymdastyryp, áńgime-dúken quryp, dombyrada kúı shertip jáne de óleńder oqydy.

Uly Otan soǵysynyń, Qarýly Kúshterdiń ardagerleri men zeınetkerler áskerı qyzmetshilerdiń baqylaýynda. Asyl qazynalardyń hal-jaǵdaılaryn turaqty túrde surap, qajetti kómek kórsetip, kóńil bólip, qamqorlyq tanytady. Olar úshin eń bastysy – bolshaq Otan qorǵaýshy jas býyndarǵa atlmysh dástúrdi kórsetip, úlgi bolý. Sol sebepti osyndaı sharalarǵa áskerı mekteptiń tárbıelenýshileri men áskerı JOO-dyń kýrsanttary tartylady.