Áskerıler Almaty áýejaıy mańyndaǵy jaǵdaıdy kórsetti
20:24, 10 Qańtar 2022
ALMATY. QazAqparat - Qorǵanys mınıstrligi Almaty áýejaıy mańyndaǵy jaǵdaıdyń vıdeosyn kórsetti, dep habarlaıdy QazAqparat tilshisi.
Almaty halyqaralyq áýejaıynda Qarýly kúshter baqylaý-ótkizý rejımin qamtamasyz etip, jolaýshylardyń qujattary men bıletterin tekserip jatyr.
Vedomstvo tótenshe jaǵdaı kezinde tekserý is-sharalary mindetti bolatynyn jetkizdi.
Eske sala keteıik, Almaty halyqaralyq áýejaıy ýaqytsha jumys istemeı tur. Mekemeniń baspasóz qyzmeti onda jóndeý jumystary júrgizilip jatqanyn málim etti.
Buǵan deıin terrorısterge qarsy arnaıy operatsııa barysynda Almaty áýejaıy bosatylǵanyn jazǵan bolatynbyz.
Sonymen qatar, 19 qańtarǵa deıin toqtatylǵan reıster bıletterin aıyppulsyz qaıtarýǵa bolady.