Áskerıler alǵash ret túnde parashıýtpen desant túsirýdi úırendi

ASTANA. QazAqparat - Qazaqstannyń Qarýly Kúshterinde Parashıýt daıarlyǵy ortalyǵynyń áskerı qyzmetshileri qysqy jaǵdaıda túnde top quramynda daıyndalmaǵan alańǵa parashıýtpen desant túsirýdi tuńǵysh ret pysyqtady. Bul týraly QR Qorǵanys mınıstrliginiń baspasóz qyzmeti habarlady.

Bul toptasyp sekirýdi oryndaı otyryp, olar 2016 jyldyń kúzinde ákelingen arnaıy maqsattaǵy «Insider-300 SF» jáne «Alfa-Aksıoma» zamanaýı parashıýttik qurylymyn birinshi ret paıdalandy.

«Atalǵan jattyǵýlardy oryndaý qazirgi zamanǵy parashıýt tehnıkalarynyń úlgilerin zerdeleýge jáne ony meńgerýge, sondaı-aq parashıýtpen daıarlyq baǵdarlamasyn sapaly oryndaýǵa kúsh-jigerdi baǵyttaýǵa, kez-kelgen jaǵdaıda júktelgen mindetterdi oryndaýǵa qabiletti áskerı qyzmetshilerdiń kásibı daıarlyq deńgeıin arttyrýǵa jáne ári qaraı onyń joǵary jaýyngerlik daıarlyǵyn qoldaýǵa múmkindik beredi», - dep QR QK Parashıýt daıarlyǵy ortalyǵynyń bastyǵy podpolkovnık Leonıd Dýdkın atap ótti.

Sekirýlerdi oryndaý barysynda ortalyqtyń nusqaýshylar quramy jerge arnaıy túsiriletin shyraqtardy qoldaný arqyly parashıýtshiniń derbes jel baǵytyn kórsetý tásili pysyqtaldy.