Áskerı ushaqtar Máskeý aspanyndaǵy bulttardy kóshirýge daıyn

ASTANA. 6 mamyr. QazAqparat - Máskeý aspanyndaǵy bulttardy kóshirýge Reseı ÁÁK-niń An-12 jáne An-24 ushaqtary jumyldyrylady. Bul týraly RF Qorǵanys mınıstrliginiń baspasóz qyzmeti habarlap otyr.

Vedomstvonyń atap ótýinshe, bult kóshirý mamyrdyń 8-9 kúnderi 3-8 shaqyrym bıiktikte qajet bolǵan jaǵdaıda ǵana iske asyrylady.

ıAǵnı Jeńis kúnin toılaý kezinde qolaısyz aýa raıyn týǵyzatyn bulttar bolsa, ushaqtar solardy basqa jaqqa yǵystyratyn bolady.

Budan buryn Turǵyn úı-kommýnaldyq sharýashylyǵy jáne abattandyrý departamentiniń basshysy Andreı Tsybınniń aıtqanyndaı, Jeńis kúninde Máskeý aspanyndaǵy bultty kóshirýge 30-40 mln rýbl bólinedi.