Áskerı tikushaq Kalıfornııa jaǵalaýynda teńizge qulady
10:03, 01 Qyrkúıek 2021
NUR-SULTAN. QazAqparat – Seısenbi kúni áskerı tikushaq ushý kezinde Kalıfornııa shtatynyń jaǵalaýyna jaqyn jerde apatqa ushyrady, dep habarlaıdy QazAqparat.
AQSh Áskerı-teńiz kúshteriniń 3-flotynyń saıtynda jarııalanǵan habarlamada Abraham Lincoln atomdyq áýe tasymaldaǵyshynyń bortynan attanǵan MH-60S tikushaǵy San-dıego qalasynan shamamen 110 shaqyrym jerde teńizge qulaǵandyǵy aıtylady.
Bolǵan oqıǵanyń sebepteri anyqtalyp jatyr. Áskerı-teńiz kúshteri AQSh-tyń Jaǵalaý kúzetimen birge izdestirý-qutqarý operatsııasyn júrgizýde.