Áskerı-teńiz kúshteriniń starshınalary ózderiniń tehnıkalyq daıarlyqtaryn jetildirdi (FOTO)
Qorǵanys mınıstrliginiń baspasóz qyzmetiniń habarlaýynsha, daıyndyqtyń negizgi maqsaty -jaýyngerlik daıarlyqtyń tolyqqandy uıymdastyrylýyn qamtamasyz etetin starshınalyq (serjanttar) quramynyń ádistemelik jáne jaýyngerlik daǵdysynyń qajet etiletin deńgeıine qol jetkizý.
Starshınalar men serjanttardy daıarlaýdyń basty mindeti - jemisti qyzmet atqarýy úshin áskerı, tehnıkalyq jáne arnaıy bilimdi ıgerýi tıis.
Oqytý kezinde olarǵa róldik sabaqtar ótkizildi. Onda úırenýshi komandır nemese baǵynysty rólinde kúndelikti tynys-tirshiliktegi keıbir sátterdi, máselen, baǵynystylar arasynda janjal týyndaǵan kezde komandırdiń atqaratyn is-qımyldaryn kórsetti.
Komandırlik daıarlyq aıaqtalysymen negizgi pánderi boıynsha synaq ótkiziledi. Starshınalar men serjanttar T-72 tankiniń jalpy taktıka-tehnıkalyq sıpattamalary men qurylysyn, topografııa jáne t.b. zerdeledi.
«Mundaı is-sharalar kúndelikti qyzmetti uıymdastyrý, baǵynysty jeke quramdy basqarý máselelerinde starshınalar quramynyń bilimi men mashyǵyn anaǵurlym arttyrady jáne eń mańyzdysy, árbir starshına nemese serjant áskerı istiń kásipqoıy bolýy tıis», - dep atap ótti QR QK ÁTK-niń starshınasy shtab-starshına Aıdáýlet Urdabaev.