«Áskerı temir jol kúzeti» AQ birqatar basshylary jaýapqa tartyldy
Baspasóz qyzmetinde habarlaǵandaı, «Qazaqstan temir joly» UK» AQ BKP-nyń ÁTJK qyzmetin tekserýdiń nátıjesi boıynsha engizgen usynysyn qarastyrdy.
Eldegi iri kúzet mekemesiniń qyzmetinde kúzet qyzmeti týraly zańnama talaptaryn júıeli túrde buzý faktileriniń anyqtalǵany buryn habarlanǵan bolatyn. Prokýratýrada túsindirgendeı, kompanııa júkterdi tıisti kúzetpen qamtamasyz etpegen, birqatar jaǵdaılarda qarýly kúzet alyp júrmegen. Habarlamada atap ótilgendeı, bul temir jol kóliginde júkterdi tonaýdyń kóbeıýine áser etken.
«Máselen, eger 2012 jyly mundaı fakti boıynsha 151 qylmystyq is qozǵalsa, aǵymdaǵy jyldyń eki aıynda ǵana 55 qylmystyq is qozǵaldy. Júk tonaý faktileriniń edáýir bóligi (29,1%) Almaty oblysynyń Qytaımen shektesetin Dostyq stansasynda jasalǵan. Jasalǵan qylmystardyń sany Qaraǵandy, Akmola, sondaı-aq, Shyǵys Qazaqstan oblystarynda da ósti», - dep habarlady BKP-dan.
Prokýratýranyń usynýy boıynsha, ÁTJK jáne onyń qurylymdyq bólimsheleriniń birqatar basshylary, sonyń ishinde ÁTJK úsh vıtse-prezıdenti, ÁTJK eki atqarýshy dırektory, Semeı jáne Atyraý qalalaryndaǵy kompanııa fılıalynyń eki dırektory, atqyshtar toptarynyń bastyqtary qyzmetterinen bosatyldy. Sondaı-aq, Qostanaı qalasyndaǵy AQ fılıalynyń dırektory, onyń orynbasarlary jáne taǵy basqalar tártiptik jaýapkershilikke tartyldy.