Áskerı sot qyzmettesine qol jumsaǵan kýrsantty gaýptvahtaǵa japty

ASTANA. QazAqparat - Almaty garnızonynyń áskerı sotynda 1-inshi kýrs kýrsantyna qatysty qylmystyq is qaraldy, dep habarlaıdy QazAqparat.

«Sotta anyqtalǵandaı, 2017 jyldyń 29 qyrkúıegi kúni QR Qorǵanys mınıstrliginiń Qurlyqtaǵy áskeri Áskerı ınstıtýtynyń birinshi kýrs kýrsanty A., saǵat shamamen 21.50-de kazarmada uıaly telefonmen týystarymen sóılesip jatqan. Oǵan kýrsant O. taıanyp, óz týystaryna qońyraý shalý úshin telefondy suraǵan. Sottalýshy baılanys quralyn sóılesip bolǵan soń beretinin aıtqan. Alaıda, kýrsant O. telefondy dereý berýdi talap etip, oǵan sóılesýge kedergi jasaǵan. Aıyptalýshy jaqyndarymen áńgimesin aıaqtaǵan soń oń qolymen O.-nyń kózinen bir urǵan», - delingen QR áskerı sotynyń resmı saıtynda .

Sot otyrysy barysynda aıyptalýshy kinásin tolyq moıyndap, istegen isine ókinetinin aıtqan.

Ol Almaty garnızony áskerı sotynyń úkimimen QR Qylmystyq kodeksiniń 440-baby 1-bóligi boıynsha aıypty dep tanylyp, oǵan 30 táýlik merzimge gaýptvahtaǵa qamaýǵa alý túrindegi jaza taǵaıyndaldy.

Sot úkimi zańdy kúshine engen joq.