Áskerı saladaǵy oqytýshylar men dárigerlerdiń jalaqysy ósedi

ASTANA. QazAqparat – Bıyl áskerı saladaǵy qyzmetshilerdiń jalaqysy ósedi. Bul týraly Qorǵanys mınıstriniń orynbasary Sultan Qamaletdınov málim etti, dep habarlaıdy QazAqparat tilshisi.

«Áýe kúshteri ushqyshtarynyń jalaqysy kóterildi. Sonymen qatar, bıyl áskerı saladaǵy professor-oqytýshylar quramynyń jalaqysy azamattyq joǵary oqý oryndarynyń deńgeıine deıin kóteriledi», - dedi Sultan Qamaletdınov Senatta tilshilerdiń suraǵyna jaýap bere otyryp.

Onyń aıtýynsha, áskerı dárigerlerdiń de jalaqysyn kóterý qarastyrylyp, bul bastamaǵa qoldaý jasalǵan. Osy oraıda qyzmetkerlerdiń aılyq tabasy 30 paıyzdan deńgeıde ósedi.

Budan buryn habarlanǵandaı, Sultan Qamaletdınov qarý-jaraq pen áskerı tehnıkany memlekettik satyp alý boıynsha tıisti jospar bar ekenin aıtty.