Áskerı salada qyzmet etetin áke men qyz jumysy, otbasy jaıly aıtyp berdi

<p>ASTANA. KAZINFORM &ndash; Elimizde áke jolyn qýyp, amanat arqalap júrgen jandar az emes. Sonyń biri &ndash; Dınara Turǵanbaeva. Otan qorǵaý salasyn tańdaǵan qaısar qyz ákesimen birge Jibek Joly&nbsp; telearnasyndaǵy &laquo;Marhabat&raquo; baǵdarlamasynda qonaq bolyp, qyzmeti, otbasy jaıly aıtyp berdi.</p>

Dınaranyń ákesi Eraly Ámiráliuly 1995 jyly Saǵadat Nurmaǵambetov atyndaǵy Qurlyq áskerleriniń áskerı ınstıtýtyna oqýǵa túsken. Keıinnen ózi bilim alǵan oqý ornyna vzvod komandıri retinde jumysqa qabyldaǵan. Jas ofıtser bilimi men jigerin bir arnaǵa toǵystyra biletin, durys sheshim qabyldaı alatyn maman retinde birden kózge túsken.

5 jylǵa jýyq ınstıtýtta oqytýshy bolǵan. 2013 jyly QR Ulttyq Qorǵanys ýnıversıtetinde bilimin jetildirip, Radıoelektronıka jáne baılanys áskerı-ınjenerlik ınstıtýtyna shaqyrtylǵan. Búginde polkovnık Turǵynbaev Bilim sapasyn baǵalaý bóliminiń bastyǵy. Qyzmetine uqypty, ujymynda bedeli joǵary qyzmetker. Sabaq josparyn ózi bekitip, onyń oryndalýyn da jeke ózi qadaǵalaıdy. Udaıy bilimin jetildirip otyratyn polkovnık 2013 jyly doktor PhD ǵylymı ataǵyn alǵan. 

Foto: Jibek Joly telearnasy

Ákesiniń jolyn qýǵan qyzy Dınara Turǵanbaeva mektep bitirgen soń Otan qorǵaý salasyn tańdaǵan. Ol 2023 jyldyń shilde aıynda Qarýly Kúshter qataryna shaqyrylǵan. Qazirgi tańda ákesi qyzmet etetin ınstıtýttyń akademııalyq utqyrlyq bóliminiń aǵa mamany.

«Áskerı qyzmetshiniń otbasy – erekshe odaq, senimdi tyl. Ondaǵy negizgi tanym-túsinik mahabbat, ózara túsinistik, syılastyq jáne shydamdylyq deıdi», – Dınara.