Áskerı psıhologtar kásibı deńgeıin jetildirýde
Áskerı psıhologııa – áskerı qyzmetshilerdiń jaýyngerlik is-qımylǵa qajetti erekshelikteri men qasıetterin qalyptastyrý men saqtaýdyń mańyzdy tetigi. Qarýly Kúshterde basqarý organdaryndyń bólimshelerinde, áskerı bólimder men batalondarynda psıhologtardy qamtıtyn psıhologııalyq qyzmet jumys isteıdi.
Jıynnyń basty maqsaty – qıyn jaǵdaıǵa tap bolǵan áskerı qyzmetshilerge kómek kórsetýde psıhologııalyq jumysty uıymdastyrýdyń biryńǵaı tásilin ázirleý. Іs-shara áskerı psıhologtardy áskerı ahýal faktorlarynan týyndaǵan jeke quram arasyndaǵy psıhogendik buzylýlarǵa baılanysty jumys ádistemesin oqytýǵa basa nazar aýdaryldy.
Bas shtab bastyǵynyń orynbasary – Tárbıe jáne ıdeologııalyq jumys departamentiniń bastyǵy general-maıor Serik Borambaevtyń basshylyǵymen ótken is-sharaǵa Qarýly Kúshterdiń 200-den astam psıhology qatysty.
Almaty qalasynyń jetekshi oqý oryndary men jergilikti atqarýshy organdarynan shaqyrylǵan mamandar sheberlik sabaqtaryn ótkizdi.
Qatysýshylar tájirıbe almasyp, trenıngter barysynda stresstik jaǵdaılardaǵy psıhologııalyq ózin-ózi retteý tásilderine, jaýyngerlik jaǵdaılarda psıhologııalyq kómek kórsetýge jáne áskerı qyzmetshilerdi psıhologııalyq ońaltý jumysyna mashyqtandy.
Jıyn barysynda Qarýly Kúshter qataryna áskerge shaqyrý kezinde azamattardy sapaly irikteý máselelerin talqylaýǵa da erekshe nazar aýdaryldy.
Atalǵan shara el Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń áskerı qyzmetshilerdiń moraldyq rýhyn saqtaýdy qamtamasyz etý, merzimdi áskerı qyzmettiń bedeli men qyzyǵýshylyǵyn arttyrý tapsyrmalaryn iske asyrý aıasynda ótti. Júktelgen mindetterdi sheshýde áskerı psıhologtardyń atqaratyn róli mańyzdy.