Áskerı polıtseıler Astanaǵa degen súıispenshiligin «júrekpen» jetkizdi

ASTANA. QazAqparat – Áskerı polıtseıler fleshmob uıymdastyryp, Astanaǵa degen súıispenshiligin «júrekpen» jetkizdi, dep habarlaıdy QazAqparat Qorǵanys mınıstrliginiń telegram kanalyna silteme jasap.

Aqmola óńirlik garnızony áskerı polıtsııasynyń áskerı qyzmetshileri «Báıterek» monýmentiniń janyndaǵy alańda fleshmob uıymdastyrdy. Olar birkelki qadamdarmen «júrek» formasyn jasap, «Astana» jazýyn qurastyrdy.

Aıta ketsek, 1998 jyly 6 mamyrda ataýy resmı túrde Astana bolyp ózgergen elordamyzǵa bıyl 25 jyl toldy. Iá, bir kezdegi tyń ıgerýshiler qalasynan táýelsizdik nyshanyna aınalǵan bas qalanyń osydan 25 jyl buryn tusaýy kesilip, halyqaralyq tanystyrylymy ótken. Al, Astananyń bas jospary 25 jylda neshe ret ózgergenin bilesiz be?Eske salsaq, búgin elordada birqatar merekelik shara ótedi.