Áskerı patrýlder Brıýssel kóshelerinen 2015 jyldan beri alǵash ret shyǵaryla bastady

BRıÝSSELЬ. QazAqparat – Polıtsııaǵa iri qalalardyń, vokzaldardyń, áýejaılardyń jáne ıadrolyq nysandardyń qaýipsizdigin qamtamasyz etýge kómektesken Belgııa áskeri 31 tamyzdan bastap «Vigilant Guardian» operatsııasyn toqtatty, dep habarlaıdy QazAqparat menshikti tilshisi.

Atalǵan operatsııa Belgııanyń Verve qalasyndaǵy ekstremıstik uıashyq joıylǵannan keıin 2015 jyldyń qańtarynda bastaldy. Operatsııanyń basynda 150 áskerı qyzmetshi jumyldyryldy, jeke quram sany únemi artyp, 2016 jyldyń qazan aıyna qaraı 1828 adamǵa jetti.

Brıýsseldiń ortalyq aýdandarynan avtomatpen qarýlanǵan áskerı jaıaý patrýlderdi baıqaýǵa bolady.

Alaıda, 2016 jyldyń jeltoqsanynda el bıligi áskerı patrýlderdiń sanyn azaıta bastady. 2020 jyly bılik mıssııany ishinara joıýdy maquldady.

Jergilikti jerlerdegi qaýipter men talaptardy taldaýǵa súıensek, polıtsııaǵa áskerdiń qoldaýy qajet bolmaı qaldy.

Avtory: Arnur Rahymbekov