Áskerı mindettilerdiń qaı sanaty arnaýly jıyndardan bosatylady
«Qarýly kúshterdiń óńirlik áskerleri aımaqtyq qorǵanysty saqtaýǵa, sonymen birge tótenshe jaǵdaı tártibiniń saqtalýyna jaýapty. ıAǵnı áskerı mindettiler basqa aımaqtarǵa jiberilmeıdi. Óńirlik áskerlerdiń bólimsheleri ishki ister organdarymen birlesip, blok-posttarda mindetin atqaryp, patrýlge shyǵyp, nysandardy kúzetip, sý tasqynyna qarsy sharalarǵa atsalysyp, dezınfektsııa jumystaryn júrgize alady. Qazirgi ýaqytta elimizde óńirlik áskerlerdiń jyl saıynǵy jıynyna qatysýda tájirıbeleri barshylyq. Arnaýly jıyndardyń merzimi men áskerı mindettilerdiń kerekti sanyn jergilikti atqarýshy organdardyń ózderi aıqyndaıdy», - dedi Nurlan Ermekbaev OKQ-da ótken baspasóz máslıhatynda.
Mınıstrdiń aıtýynsha, arnaýly jıyndarǵa áskerı esepte turǵandar jáne densaýlyǵy jaramdy azamattar shaqyrylady.
«Jasy úlken, otbasylyq jaǵdaıy qıyn nemese densaýlyǵynda aqaýy bar azamattardy shaqyrýdyń qajeti joq. Sebebi bizde adam resýrsy bar. Zańǵa sáıkes arnaýly jıyndardan qorǵanys, quqyq qorǵaý, qaýipsizdikke qatysty memlekettik organda jumys isteıtinder, avıatsııalyq personal, kóktemgi egis jumystary kezine aýyl sharýashylyǵy salasynda eńbek etetinder, pedagogıkalyq kadrlar, bilim berý uıymdary men organdarda ishteı oqyp jatqan azamattar, áıelder, 18 jasqa deıingi úsh balasy bar azamattar, sonymen qatar tergeýdegi nemese protsessýaldyq iske tartylǵan azamattar bosatylady. Sonymen qatar jergilikti atqarýshy organdardyń depýtattary da arnaýly jıynǵa shaqyrylmaıdy», - dedi ol.
Eske sala ketsek keshe Qazaqstan Prezıdenti áskerı mindettilerdi arnaýly jıynǵa shaqyrý týraly Jarlyq shyǵarǵan edi.
Atap aıtqanda qazaqstandyqtar jekelegen óńirlerde medıtsınalyq qyzmet, tasqynmen kúres jáne dezınfektsııa jumystaryna shaqyrylady.