Áskerı mindetin ótep kelgen 604 sarbaz JOO-da grantpen tegin oqyp jatyr
Atap aıtqanda, Ál-Farabı atyndaǵy qazaq ulttyq ýnıversıteti – 19, L.N. Gýmılev atyndaǵy Eýrazııa ulttyq ýnıversıteti – 17, M. Áýezov atyndaǵy Ońtústik Qazaqstan ýnıversıteti – 15, Toraıǵyrov ýnıversıteti – 10 sarbaz mınıstrlik grantyna ıe bolǵan.
Odan bólek, A. Myrzahmetov atyndaǵy Kókshetaý ýnıversıtetinde – 73, S.Toraıǵyrov atyndaǵy Pavlodar memlekettik ýnıversıtetinde – 45, Sh. Murtaza atyndaǵy Taraz halyqaralyq ınnovatsııalyq ınstıtýtynda – 51, Qorqyt ata atyndaǵy Qyzylorda ýnıversıtetinde – 35 stýden oqıdy.
«Astana IT ýnıversıtetiniń 1 kýrs stýdentimin. Áskerı mindetimdi óteýdi byltyr 1 shildede bastap, bıyl 1 shildede aıaqtadym. Otan aldyndaǵy boryshymdy Jańaózen qalasyndaǵy 5548 áskerı bólimshesinde atqardym. Týyp-ósken jerim - Aqtóbe qalasy. Bizge áskerge barar aldynda Qorǵanys mınıstrligi atynan beriletin grant týraly aıtty. ıAǵnı osyndaı múmkindik bar ekenin. Bul jerde UBT-nyń balynan bólek, áskerı ball ıaǵnı áskerı minezdeme beriledi. Sonyń negizinde grant utyp alý múmkindigi bar. IT mamandyǵyn tańdaǵan sebebim, men kishkentaıymnan kompıýterge qumar boldym. Onyń ústine men tańdaǵan mamandyqta belgili baǵdarlamalar men oıyndardy ázirleýge bolady», - dedi Ádilet Qudashev tilshilerdiń saýalyna bere turyp.
Sondaı-aq, stýdent IT mamandyǵyna túsetin kezde aǵylshyn tilin bilý mindetti ekenin aıtty.
Eske salsaq, áskerı mindetin ótegenderdi tegin oqytýǵa irikteý Qorǵanys mınıstrliginiń portalynda ornalasqan «Srochnıkı 2.0» aqparat júıesi arqyly júrgiziledi.
Qazir atalǵan resýrsta 38 316 merzimdi qyzmet sarbazy tirkelgen. Mınıstrlik bul baǵyttaǵy jumysty odan ári jalǵastyra bermek.