«Áskerı medıa - 2017» respýblıkalyq baspasóz festıvaliniń jeńimpazdary anyqtaldy
«Qazirgi zaman aqparat ǵasyry dep durys aıtylǵan. Búgingi kúni jańa tehnologııalar, kommýnıkatsııalyq jeliler adam men qoǵam ómiriniń barlyq salalaryn derlik qamtyp otyr. Olar ekonomıkada, saıasatta jáne mádenıette qoǵamdyq túsinik qalyptastyryp, adam ómirine yqpal etýde. Sondyqtan buqaralyq aqparat quraldaryn tórtinshi bılik dep ataý tolyqtaı zańdy», - dedi festıvaldiń ashylý rásiminde sóz sóılegen QR Qorǵanys mınıstri Sáken Jasuzaqov.
Sonymen 9 atalymmen ótken baıqaýǵa elimizdiń túpkir-túpkirinen 300-den astam ótinish túsip, sonyń ishinen 50-i iriktep alynǵan. Al atalǵan elýliktiń ishinen «Úzdik televızııalyq baǵdarlama úshin» atalymynda «Atyraý» telearnasynyń redaktor-júrgizýshisi Aınagúl Qalbaeva, «Úzdik radıo baǵdarlama úshin» atalymynda «Qazaq» radıosynyń tilshisi Mádına Ishanova, «Baspasóz buqaralyq aqparat quraldarynda basylǵan úzdik materıal» atalymynda «Egemen Qazaqstan» gazetiniń Shyǵys Qazaqstan oblysyndaǵy menshikti tilshisi Azamat Qasym, «Aqparat agenttikterindegi úzdik materıal» atalymynda Informbıýro tilshisi Grıgorıı Bedenko, «Úzdik foto jumys» atalymynda «Kazahstanskaıa pravda» gazetiniń fototilshisi ıÝrıı Bekker, «Úzdik bloger» atalymynda Aleksandr Mıroglov, «Úzdik áskerı sholýy» atalymynda «Karavan» gazetiniń sholýshysy Vladımır Severnyı, «Óńirlik buqaralyq aqparat quraldaryndaǵy úzdik materıal» atalymynda «Atyraý» telearnasynyń júrgizýshi-redaktory Nurgúl Ramazanova, «Úzdik jas jýrnalıst» atalymynda ShQO Úrjar aýdany Qarabulaq orta mektebiniń 11 synyp oqýshysy Ryskúl Daýtanova jeńimpaz dep tanyldy.