Áskerı qyzmetshilerdiń jalaqysy ósedi

ASTANA. QazAqparat – Búgin Almatyda áskerı qyzmet ardagerlerimen kezdesken Qorǵanys mınıstri general-polkovnık Rýslan Jaqsylyqov sala qyzmetshileriniń jalaqysyna qatysty jańalyqtarmen bólisti, dep habarlaıdy QazAqparat tilshisi.

Vedomstvo málimetinshe, kezdesý barysynda mınıstr 2023 jyldan bastap ushý quramynyń laýazymdyq jalaqysy kóteriletindigin atap ótken. Áskerı medıtsına qyzmetkerleri men áskerı joǵary oqý oryndarynyń azamattyq oqytýshylarynyń aqshalaı úlesin azamattyq beıindegi mekemelerdiń jalaqy deńgeıine deıin arttyrý múmkindigi de qarastyrylyp jatqanyn aıtqan.

«2023 jyldyń ishinde ІІM Ulttyq ulany sııaqty tótenshe jaǵdaılar saldaryn joıý kezinde áskerı qyzmetshilerge úsh eselengen aqshalaı qarajat mólsherinde tólemdi arttyrý da kózdelgen. Qorǵanys vedomstvosynyń basshysy 2024 jyldan bastap qatardaǵy jaýyngerler men serjanttyq quramdar laýazymdarynyń tarıftik sanattaryn jáne áskerı ataǵy boıynsha áskerı qyzmetshilerdiń jalaqylaryn 30 paıyzǵa arttyrý josparlanǵanyn alǵa tartty», - dep atap ótedi mınıstrlikten