Áskerı qyzmetshilerdiń eńbegi keler urpaqqa úlgi-ónege bolady - Nazarbaev
«Ózderińizge belgili, qalyptasqan dástúr boıynsha Otan qorǵaýshylar kúni qarsańynda jáne Ekinshi dúnıejúzilik soǵystyń jeńisi qarsańynda biz kóp azamattardy, ásirese áskerı qyzmetshilerdi marapattap, tıisti shenderin beretinbiz. Búgingi kezdesýdiń máni basqa. Sebebi Táýelsizdigimizdiń 25 jyldyq merekesi, onyń ústine Qarýly Kúshterimizdiń 25 jyldyǵy. Osynaý mereıli beleske erekshe erligimen kózge túsken azamattardy marapattaǵaly turmyn», - dedi Memleket basshysy.
QR Prezıdenti jerdiń tutastyǵyn qorǵaý, Otannyń Táýelsizdigin qorǵaý, jan aıamaı qyzmet etý áskerı qyzmetshilerdiń paryzy ekendigin ári bul qyzmetke kelip, ústine áskerı kıim kıgen kezde Otan úshin janymdy beremin degen oıda bolǵandyqtaryn basa aıtty.
«Bereke men birligimizdiń arqasynda aspanymyz ashyq, elimiz órkendep-ósip kele jatyr. Sizder beıbit ómirde de erlikke jol bar ekendigin kórsetip kelesizder. Sondyqtan men sizderdi istegen isterińiz, qyzmetterińiz úshin ár salada kórsetken erlikterińiz úshin búgin marapattaımyn», - dedi Elbasy.
Memleket basshysy búgingi marapattalǵaly otyrǵan áskerı qyzmetshilerdiń ózderiniń azamattyq, áskerı paryzdaryn abyroımen atqaryp júrgenderin atap ótti.
«El súısingen erlikterińiz, eńbekterińiz keler urpaqqa úlgi-ónege bolady. Jastar sizderge qarap boı túzeıdi. Joǵary memlekettik marapatqa ıe bolý sizder úshin úlken maqtanysh jáne úlken jaýapkershilik. Aldaǵy ýaqytta da bul senimniń údesinen shyǵady dep senemin», - dedi N.Nazarbaev.