Áskerı qyzmetshiler MÁMS jarnasyn tóleı me
Áskerı qyzmetshiler tegin medıtsınalyq kómektiń kepildik berilgen kólemi sheńberinde jáne mindetti áleýmettik medıtsınalyq saqtandyrý aıasynda medıtsınalyq kómek ala alady. Osy eki paket sheńberinde densaýlyq saqtaý uıymdaryna qarajatty olar úshin Áleýmettik medıtsınalyq saqtaryndyrý qory tóleıdi.
«QR «Mindetti áleýmettik medıtsınalyq saqtandyrý týraly» Zańyna sáıkes áskerı qyzmetshiler MÁMS jarnalary men aýdarymdarynan bosatylǵan. ıAǵnı, jumys berýshiler olardyń jalaqysynan aqshany ustap qalmaıdy. Áleýmettik medıtsınalyq saqtandyrý qory MÁMS júıesinde áskerı qyzmetshilerdiń málimetterin «Adamdardy arnaıy esepke alý» aqparattyq júıesine JSN kórsete otyryp engizilgen áskerı qyzmetshiler, quqyq qorǵaý jáne arnaýly memlekettik organdarynyń qyzmetkerleri esebinen alady. Olar boıynsha derekterdi áskerı bólimderdiń, áskerı basqarý organdarynyń qyzmetkerleri engizedi. Qor júıesinde áskerı qyzmetshiniń JSN-y shyqqan soń ol avtomatty túrde saqtandyrylǵan mártebesin alady jáne jarnalar men aýdarymdardy tóleýden bosatylady», – deıdi Nurlan Qydyrbaev.
Onyń aıtýynsha, «Áskerı qyzmet jáne áskerı qyzmetshilerdiń mártebesi týraly» Zańnyń 50 jáne 52-baptaryna sáıkes, áskerı-medıtsınalyq mekemeler áskerı qyzmetshilerdiń otbasy múshelerine MÁMS júıesinde medıtsınalyq kómek kórsetetin bolady. Ol úshin qajetti normatıvtik quqyqtyq baza qurylǵan.
«Áskerı qyzmet atqaryp júrgender ǵana emes, áskerı qyzmet mindetterin oryndaý kezinde aýrýǵa shaldyqqan, 20 jáne odan da kóp jyl eńbek etken adamdarǵa, áskerı qyzmetshilerdiń otbasy múshelerine, azamattyq personalǵa da tegin medıtsınalyq kómek kórsetedi. Áskerı qyzmetshilerge azamattyq densaýlyq saqtaý jelisinde medıtsınalyq kómek kórsetý eldiń barlyq azamattaryna sııaqty, tirkelgen jeri boıynsha emhanada da júzege asyrylady», - deıdi fılıal dırektory.