Áskerı qyzmetshi otqa oranǵan páterden eki balany aman alyp shyqty
Efreıtor Ǵalymjan Álıýhanov úıine qaıtyp kele jatyp 5 qabatty úıden shyǵyp jatqan tútindi baıqap qalady. Dereý oqıǵa ornyna jetip, órt sóndirý satysymen úıdiń shatyryna shyǵyp, shatyr qaptamasyn julyp alyp, podezge kirgen. Úıdiń esigi ashyq bolǵan, sondyqtan ol esh kedergisiz páterge engen. Aıhaılap, úıde kim baryn bilmek bolǵan. Eshkim jaýap bermegen soń, ár bólmeni tintip qaraǵan. Sol kezde túpki bólmeden 4-5 jas shamasyndaǵy eki balany es-tússiz jatqan jerinen taýyp alǵan. Dereý olardy syrtqa alyp shyqqan.
«Men eshqandaı erlik jasaǵan joqpyn, - deıdi Ǵalymjan qysylyp. - Bul ár er adamnyń jasaıtyn isi. Ol meıli áskerı bolsyn, meıli qarapaıym azamat bolsyn, kez kelgen er adam osylaı jasaýy kerek. Komandırlerime zor alǵys aıtamyn. Olar bizdi árdaıym shynyqtyryp, jaqsy fızıkalyq kúıde bolýymyzdy qadaǵalaıdy. Babymda bolýym osy joly da maǵan kómektesti».