Áskerı qyzmetshi dzıýdodan Qazaqstan chempıony atandy

ASTANA. QazAqparat - Armııa ortalyq sport klýbynyń sportshylary respýblıkalyq jarysta altyn medaldi qanjyǵaǵa baılady, dep habarlaıdy QazAqparat QR Qorǵanys mınıstrliginiń resmı saıtyna silteme jasap.

Astana qalasyndaǵy «Dáýlet» sport kesheninde erler men áıelder arasynda dzıýdodan jeke jáne toptyq chempıonat ótti. Saıys qorytyndysy boıynsha, absolıýtti salmaqtaǵy Armııa ortalyq sport klýbynyń jaýyngeri Erasyl Qajybaıuly Qazaqstan chempıony atandy.

Respýblıkalyq birinshilikte elimizdiń 14 oblysynan, sonymen qatar Astana, Almaty jáne Shymkent qalalarynan 437 dzıýdoshy baq synady.

Aıta keteıik, buǵan deıin Aqtaý qalasynda ótken bokstan ulttyq birinshilikte Armııa ortalyq sport klýbynyń sportshylary Ábilhan Amanqul men Qaırat Eralıev «altyn» júldege qol jetkizgen bolatyn. Myqtylardy anyqtaıtyn saıysqa 200 sportshy qatysty. Týrnırdiń absolıýtti jeńimpazdarynan basqa, Qarýly Kúshter qyzmetkeri Aslanbek Shymbergenov fınalda Qaraǵandy oblysynyń sportshysyna ese jiberip, kúmis júldege ıe boldy.