Áskerı qyzmetshi-avıatorlar Otan aldynda adal bolýǵa ant qabyldady (FOTO)
Jas jaýyngerler áskerı qyzmetin ótkerý úshin Atyraý oblysynan keldi. Ant qabyldaý arnaıy baǵdarlamadan, atap aıtqanda Konstıtýtsııany, Qazaqstan Respýblıkasyn qorǵaý máselesi týraly zańnamanyń talaptaryn zerdeleýden bastaldy.
«Senderdiń aldaryńda armııanyń qaýyrt kúnderi tur, áskerı isti adal úırenińder, ójet, erjúrek bolyńdar, eń bastysy - birlikteriń myqty bolsyn. Bir-birińdi qoldap, qol ushyn berińder. Qazaqstan Respýblıkasy Qarýly Kúshteriniń áskerı qyzmetshisi ataǵyna laıyqty abyroımen qyzmet atqaryńdar», - dedi Áskerı-áýe kúshteri qolbasshysynyń tárbıe jáne ıdeologııalyq jumystar jónindegi orynbasary, polkovnık Erken Jumaǵalıev.
Іs-sharaǵa Qarýly Kúshterdiń ardagerleri, jas sarbazdardyń týystary men jaqyndary keldi. Sonymen qatar jas sarbazdardy bólim basshylyǵy, týystary men dostary quttyqtady.
Ant qabyldaýdan keıin týystary men jaqyndaryna sarbazdardyń qyzmet ótkeretin jaǵdaıyn tanystyrý úshin oqý-jattyǵý korpýsy, kazarma, ashana, sport zal kórsetildi.
Atalǵan is-sharanyń este qalarlyǵy, arnaıy maqsattaǵy bólimsheniń qoıan-qoltyq kúres elementterin kórsetken sáti boldy. 30153-shi áskerı bólimniń basshylyǵy jas jaýyngerler Otan aldyndaǵy boryshyn abyroımen atqaratyndyǵyn jáne bir jyldan soń aman-esen elge oralatyndyǵyn zor senimmen aıtty.