Áskerı kýrsant qyzdar er-azamattardy flesh-mob arqyly quttyqtady (FOTO VIDEO)

ASTANA. QazAqparat - Otan qorǵaýshylar kúnin merekeleý qarsańynda Astana qalasyndaǵy joǵary oqý oryndary áskerı kafedralarynyń kýrsant qyzdary er-azamattardy erekshe tásilmen quttyqtady, dep habarlaıdy QR Qorǵanys mınıstrliginiń baspasóz qyzmeti.

Júzden asa stýdent shaffl dens stılindegi Tez Sadey «Seve» ánine tanymal bıdi oryndady. Osyndaı zamanaýı ádispen Qazaqstannyń Qarýly Kúshterinde qyzmet etetin barlyq áskerı qyzmetshi qyz-kelinshekterdiń atynan joǵary oqý oryndardyń áskerı kafedralarynda oqıtyn qyzdar elimizdegi barlyq er-azamattardy Otan qorǵaýshy kúnimen quttyqtady. Esterińizge sala ketsek, «Jas ulan» respýblıkalyq áskerı mektebiniń tárbıelenýshileri osy áýenge bılep, 8 Naýryz Halyqaralyq áıelder kúnimen barlyq qyz-kelinshekterdi, analardy quttyqtaǵan bolatyn.

Jalyndy quttyqtaý tek Qazaqstannyń ınternet paıdalanýshylaryn ǵana emes sheteldikterdi de tamsandyrdy. Bul quttyqtaýdy kórgenderdiń sany mıllıonnan asty.

Bul bastamany kórgen kýrsant qyzdar jaýap retinde Otan qorǵaýshy kúnin aıǵaqtaıtyn 7 sanynyń úlgisin keltire otyryp, tanymal flesh-mobty oryndady.