«Áskerı qurylys Astana» qyzmetkerlerine tólenbegen jalaqy qaryzy eki jylda 270 mln teńgege jetken

<p>Jumys berýshiniń kinásinen 2021 jyldan beri &laquo;Áskerı qurylys Astana&raquo; JShS 3839 qyzmetkerine 270 mln teńgeden astam jalaqy bereshegi tólenbegen, dep habarlaıdy <a href="https://kaz.inform.kz/" target="_blank" rel="noopener">Kazinform</a> Bas áskerı prokýratýraǵa silteme jasap.&nbsp;</p>

Uzaq ýaqyt boıy jumysshylar ózderine tıesili aqshany alý úshin memorgandardyń tabaldyryǵyn tozdyrýǵa májbúr boldy, biraq másele sheshimin tappady.

Ony sheshýge atsalysqan Bas áskerı prokýratýra 4 ýákiletti organnyń (Qorǵanys jáne ádilet mınıstrligi, eńbek ınspektsııasy, qazynashylyq) ókilderinen jumys tobyn qurdy.

Prokýrorlyq qadaǵalaý aktileri jasalyp, qaryzdy óteýge qarajat kózi anyqtaldy.

Mysaly, basqa jetkizýshilermen jasalǵan kelisimsharttar boıynsha «Áskeri qurylys Astana» JShS 300 mıllıon teńgeden astam somasyn tárkileýge múmkindik týdy.

Bul olardy saqtaýǵa jáne birinshi kezektegi boryshkerler aldyndaǵy qaryzdy óteýge qaıta baǵyttaýǵa múmkindik berdi.

Osylaısha 3839 qyzmetkerge 272 mln teńge kóleminde jalaqy bereshegi tólendi.

Sondaı-aq, qabyldanǵan sharalarmen joǵaryda atalǵan JShS burynǵy qyzmetkerlerine jumysynan aıyrylýyna baılanysty 131 mln teńge kóleminde ótemaqy berildi.

Búgingi tańda Qarýly Kúshterinde, basqa da áskerı qurylymdarda jalaqy boıynsha bereshek joq.