Áskerı klýbtarǵa tuńǵysh ret qarjylaı granttar bóline bastady

NUR-SULTAN. QazAqparat - Qazaqstanda jastar arasynda ulttyq basymdyqtardy ilgeriletý men patrıottyq tárbıeni nasıhattaýǵa baǵyttalǵan joba iske asa bastady, dep habarlaıdy QazAqparat tilshisi.

«Almaty Stýdentter Alıansy» QQ dırektory Jasulan Qýandyqtyń aıtýynsha, bıyl joba aıasynda áskerı-patrıottyq tárbıeni ilgeriletýge baǵyttalǵan bastamalarǵa granttyq qarajat bólinedi.

«Mundaı jobany júzege asyrýda bizdiń birneshe jyldyq tájirıbemiz bar. Alaıda, buryn birqatar bastamalarǵa granttyq qarajat bólý qarastyrylmaǵan edi. Bıyl alǵash ret áskerı-patrıottyq klýbtar men uıymdar arasynda biz 10 shaǵyn grantty oınatatyn bolamyz. Ár granttyń mólsheri 400 myń teńgeni quraıdy. Osylaısha, jobaǵa neǵurlym kóp jas qazaqstandyqtardy tartýǵa tyrysamyz. Olar bizge aqparattyq qoldaýdy keńeıtýge kómektesedi», - deıdi Jasulan Qýandyq.

Aıta keteıik, «Jastardy áskerı-patrıottyq tárbıeleý jónindegi sharalar keshenin iske asyrý» jobasy aıasynda belsendiler áskerı-patrıottyq klýbtar men basqa da birlestikterge tartylǵan jastardyń úlesin jyl sońyna deıin keminde 20 %-ǵa arttyrýdy josparlap otyr.