Áskerı qyzmetshi qoıan-qoltyq urystan álem chempıonatynda altyn oljalady

<p>ASTANA. KAZINFORM &ndash; Arnaıy operatsııalar kúshterinde qyzmet etetin maıor Vadım Fedoseev qoıan-qoltyq urystan álem chempıonatynda altynnan alqa taqty. Bul týraly QR Qorǵanys mınıstrligi málim etti.</p>

Reseı Federatsııasynyń astanasynda ótken jarysqa 18 eldiń sportshysy qatysty.

73 keliden asatyn salmaqtaǵy maıor V. Fedoseevtiń qarsylastary Túrkimenstannan jáne Reseıden kelgen sportshylar boldy. Sońǵy jekpe-jekte ol Ózbekstan ókilin 11:7 esebimen jeńdi.

Foto: QR Qorǵanys mınıstrligi

Halyqaralyq áýejaıda chempıondy áriptesteri qoshemetpen qarsy aldy, olar áskerı qyzmetshini chempıondyq belbeýdi jeńip alýymen jyly quttyqtady.

Tuǵyrǵa aparatyn jol ońaı emes. Bul jol synaqtar men aýyr jattyǵýlarǵa toly. Oǵan soqqylar, kombınatsııalar men qorǵanys ádisterin úırenýge jattyqtyrýshylar podpolkovnık Nurdáýlet Erjigitov pen Dáýirbek Dáýletov kómektesti.

Sportshy buǵan deıin de qoıan-qoltyq urystan Qazaqstan qorǵanys mınıstri kýbogynyń jáne álem chempıonatynyń, armııa qoıan-qoltyq urysynan TMD chempıony atanǵan.

Vadım Fedoseevtiń Máskeýde kórsetken tamasha óneri – qazaqstandyqtarǵa Táýelsizdik kúnine arnalǵan tamasha syılyq jáne sportshynyń jeke jetistikteriniń qorjynyna qosqan tyń úlesi.