Áskerı qalashyqtar men kazarmalar jylytý maýsymyna daıyn ba

ASTANA. QazAqparat - Jylytý maýsymyna daıyndyq - Qarýly kúshter qyzmetindegi ózekti máselelerdiń biri. Qazir áskerı qalashyqtar men kazarmalyq-turǵyn úı qoryn qysqa ázirleý josparly túrde júrip jatyr. Bul týraly QR Qorǵanys mınıstrliginiń baspasóz qyzmetine silteme jasaı otyryp QazAqparat habarlaıdy.

Jylý berý maýsymy aýa temperatýrasy erekshelikterine sáıkes elimizdiń barlyq óńirlerinde qazan aıynda bastalady. Qatty jáne suıyq otyn qory, elektr energııasynyń qosymsha kózderi tekserildi. 

Áskerı qalashyqtardyń tynys-tirshiligin qamtamasyz etý júıesiniń jaǵdaıy únemi baqylaýda. Qazirgi tańda Qarýly kúshterdiń kommýnaldyq nysandary, ınjenerlik jelileri men kazarmalyq-turǵyn úı qory jylý berý maýsymyna daıyn.