Áskerı gospıtaldiń burynǵy bastyǵy qyzmetker ústemeaqysynyń jartysyn ózine alǵan

NUR-SULTAN. QazAqparat – Taldyqorǵan qalasyndaǵy áskerı gospıtaldiń burynǵy bastyǵy men atalǵan gospıtaldiń burynǵy bas medbıkesine qatysty tergeýdi bastady. Bul týraly onlaın brıfıngte Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi aǵa tergeýshisi Danııar Bıgaıdarov aıtty, dep habarlaıdy QazAqparat tilshisi.

«Almaty oblysy boıynsha Sybaılas jemqorlyqqa qarsy qyzmet Taldyqorǵan qalasyndaǵy áskerı gospıtaldiń burynǵy bastyǵy men atalǵan gospıtaldiń burynǵy bas medbıkesine qatysty aýyr sybaılas jemqorlyq qylmys jasaý kúdigi boıynsha tergeýdi bastady. Olar jumysqa ornalastyrǵany jáne qyzmet boıynsha jalpy qamqorlyǵy úshin Sovid-19-ǵa qarsy kúrestegi qyzmeti úshin gospıtal qyzmetkerine túsken ústemeaqynyń 50% mólsherin quraıtyn 1 mln teńge aqshalaı qarajat alýda kúdikke ilindi», - deıdi Agenttiktiń 1-shi departamentiniń asa mańyzdy ister jónindegi aǵa tergeýshisi Danııar Bıgaıdarov.

Onyń aıtýynsha, 2020 jylǵy 13 qazanda áskerı gospıtaldiń burynǵy bastyǵyna qatysty «kúzetpen ustaý» túrindegi bultartpaý sharasy sanktsııalandy.

Іs boıynsha tergeý jalǵasýda.