Áskerı boryshyn ótegenderdiń UBT tapsyrmaı, oqýǵa túsý tártibi qalaı júrgiziledi
«Merzimdi áskerı qyzmetti aıaqtaǵannan keıin eki jyl ishinde azamat UBT tapsyrmaı, áńgimelesý nátıjesi boıynsha aqyly negizde JOO-ǵa túse alady. Ol úshin azamat «E-gov» nemese HQKO-dan merzimdi áskerı qyzmetti ótkergeni týraly anyqtama alyp, basqa qujattarmen birge ózi tańdaǵan oqý ornyna usynýy qajet», - dep málim etti Qorǵanys mınıstriniń keńesshisi QazAqparat tilshisiniń saýalyna oraı.
Demek, merzimdi áskerı qyzmetin ótkergen barlyq azamattar eki jyl ishinde qalaǵan oqý ornyna aqyly negizde túse alady. Ol úshin UBT nátıjesi talap etilmeıdi. Sondaı-aq, mamandyqtar men joǵary oqý oryndaryna da shekteý bolmaıdy.
Sonymen qatar, Aıgúl Tólembaeva áskerı mindetin óteý barysynda jaqsy nátıje kórsetkender joǵary oqý oryndarynyń esebinen tegin bilim ala alatynyn jetkizdi. Ondaı múmkindik usynatyn joǵary oqý oryndary men mamandyqtardyń naqty tizimi jyl sońyna deıin Qorǵanys mınıstrliginiń resmı saıtynda jarııalanady. Onyń aıtýynsha, bul usynysty qazirgi tańda elimizdegi 40-qa jýyq joǵary oqý orny qoldap otyr.
«Áskerı qyzmetshiler shyǵarmashylyq emtıhan tapsyrý qajet mamandyqtarǵa UBT nátıjesin esepke almaı, tek shyǵarmashylyq emtıhan tapsyrýmen túse alady. Jalpy, tegin oqý boıynsha Qorǵanys mınıstrliginiń saıtynda jarııalanatyn joǵary oqý oryndarynda ǵana bilim alady», - dedi Aıgúl Tólembaeva.
Eske salaıyq, buǵan deıin áskerı boryshyn ótegen 3 myńǵa jýyq adam joǵary oqý oryndaryna grantpen túse alatynyn jazyp edik. Joba kelesi jyldan bastap iske qosylady.