Áskerı boryshyn ótegen 1 myńnan astam sarbaz úılerine oraldy

TARAZ. QazAqparat - Tarazda 2018 jylǵy kúzgi shaqyrylymnyń merzimdi qyzmettegi áskerı qyzmetshilerin shyǵaryp salý rásimi ótti, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

«Ońtústik» óńirlik qolbasshylyǵynyń áskerı bólimderinde ótken jyldyń kúz aıynda Qarýly Kúshterdiń qataryna qabyldanǵan merzimdi qyzmettegi áskerı qyzmetshilerdi saltanatty túrde shyǵaryp salý rásimi ótýde.

Áskerde merzimdi qyzmettegi 1000 shaqty áskerı qyzmetshi áskerı qyzmetin abyroımen atqaryp, týǵan óńirine oraldy. Tek Gvardııalyq garnızonnyń ózinde 600-den astam merzimdi qyzmettegi áskerı qyzmetshiler, artıllerıster, saper, motoatqyshtar jáne Qurlyq áskerleriniń basqa da salalaryndaǵy sarbazdar zapasqa bosatyldy.

Saltanatty shyǵaryp salý rásimine áskerı qyzmetshilerdiń jaýyngerlik rýhyn kótergen Qarýly Kúsh ardagerleri qatysty. Komandırlerdiń nanymy boıynsha atalmysh shara áskerı dástúrlerdi qoldap jáne saqtaýǵa múmkindik berip, sarbazdarǵa abyroımen atqarǵan paryzdary úshin maqtanysh sezimin joǵarlatýǵa sep bolady. Sonymen qatar saltanatty jaǵdaıda úzdik merzimdi qyzmettegi áskerı qyzmetshilerdiń eńbekteri aıtyldy.

Er jigitter on eki aı kóleminde áskerı bilimdi úırenip, mamandyqty meńgerdi. Bir jyl boıy olarǵa kazarma týǵan úıi bolyp, áskerı áriptesteri otbasylaryna aınaldy.

«Biz áskerı qyzmetimizdi, úlken áskerı otbasymyzdy árdaıym este saqtaımyz. Endi biz armııalyq dostastyq pen baýyrlastyq degenniń ne ekenin bilemiz», - dep óz pikirimen bólisti «Ońtústik» óńirlik qolbasshylyǵy áskerı bóliminiń merzimdi qyzmettegi qatardaǵy jaýyngeri Elnur Jantasov.

Árbir áskerı bólimde áskerı qyzmetshilerdiń yqylasyna bólengen óz dástúri bar. Máselen, «Ońtústik» óńirlik qolbasshylyǵynyń 5-shi mehanıkalandyrylǵan brıgadasynda zapasqa shyǵarylǵandar Jambyl oblysynń ánshisi Rıshat Kýmbasovtyń «Úıge» ánin oryndap, alańda sońǵy júgirýdi oryndady.

«Alańda saltanatty sapqa turý, áskerı orkestrdyń súıemeldeýimen marsh jasaý, oryndalǵan paryzdy seziný – bunyń barlyǵy áskerı qyzmetshilerdiń ózin-ózi baǵalaýyn kóterip, áskerge degen maqtanysh sezimderin kúsheıtedi», - dedi «Ońtústik» óńirlik qolbasshylyǵy áskerleri basshysynyń tárbıe jáne ıdeologııalyq jumystar boıynsha ornbasary polkovnık Oraz Kýchýkov.

Áskerdiń arqasynda eseıip, erjetken áskerı qyzmetshilerdi úıine shyǵaryp salǵan áskerı bólimniń komandırleri men qyzmettesteri olarǵa týǵan jerlerine aman-esen jetýin tiledi.