Áskerı boryshyn ótep júrgenderdiń nesıe qaryzy qansha ýaqytqa toqtatylady

<p>ASTANA. KAZINFORM &ndash; Azamattardy áskerı qyzmetke shaqyrýdy uıymdastyrý men júrgizý qaǵıdalaryn bekitý týraly Úkimet qaýlysynyń jobasy jarııalandy.</p>

Bul qaýly áskerı boryshyn ótep júrgen adamdardyń nesıe boıynsha negizgi qaryzy men syıaqy ústemelerin merzimdi áskerı qyzmet kezeńinde, sondaı-aq odan keıingi eki aı kóleminde toqtata turýdy kózdeıdi. 

«Qazaqstan Respýblıkasynyń zańnamasyna sáıkes merzimdi áskerı qyzmettegi áskerı qyzmetshilerdiń merzimdi áskerı qyzmet ótkerý merzimi jáne ony aıaqtaǵannan soń 60 kún qosa alynatyn kezeńde banktik qaryz sharty jáne (nemese) mıkrokredıt berý týraly shart boıynsha qaryzy jáne (nemese) mıkrokredıti boıynsha syıaqy eseptelmeı, negizgi borysh pen syıaqy boıynsha tólemi keıinge qaldyrylady», - dep jazylǵan qaýly jobasynda. 

Aıta ketý kerek, qaýlydaǵy bul jańashyldyqtar eldegi bank qyzmetin, mıkroqarjy salasyn, kollektorlyq qyzmetti, qaryz alýshylardyń quqyqtaryn qorǵaý júıesin retteýge arnalǵan zańnamadaǵy ózgeristerden týyndap otyr.