Áskerı bólimderdiń qoımalary jyl sońyna deıin avtomattandyrylmaq

NUR-SULTAN. QazAqparat – QR Qorǵanys mınıstriniń orynbasary Darhan Ahmedıev Ortalyq kommýnıkatsııalar qyzmetine ótken brıfıngide jyl aıaǵyna deıin áskerı bólimderdiń qoımalary avtomattandyrylǵan esep formatyna kóshetinin málim etti, dep habarlaıdy QazAqparat tilshisi.

«Keıingi 11 jyldyń ishinde Qarýly kúshterdi jabdyqtaý isi nege elektrondy formatqa aýystyrylmady? Sonda áskerı bólimderdegi sybaılas jemqorlyq máseleleriniń joly kesiler edi ǵoı», - dep surady BAQ ókili vıtse-mınıstrden.

Darhan Ahmedıevtiń aıtýynsha, atalǵan maqsatqa bıýdjetten birshama qarajat bólingen.

«Bul maqsatqa belgili bir mólsherde qarajat bólindi. Biraq sonyń 37 paıyzy ǵana ıgerildi. Al qalǵany bıýdjetke qaıtarylyp otyrǵan. Ókinishke qaraı, qazir bul baǵyttaǵy búkil jumys jartylaı qolmen isteledi. Mınıstrdiń maǵan bergen birinshi tapsyrmasy – qoıma esebin avtomattandyrý. Biz qazir osy baǵytta jumys istep jatyrmyz. Jyl aıaǵyna deıin aıaqtaımyz», - dedi mınıstrdiń orynbasary.

Onyń málimeti boıynsha, bıyl Qarýly kúshterde 7 sýıtsıd áreketi tirkelip, tórteýiqaıǵyly aıaqtalǵan.

«Bıylǵy 5 aıdyń ishinde Qazaqstanda 4318 sýıtsıd áreketi ólimmen aıaqtalǵan deıishi. Sonyń ishinde tórteýi Qarýly Kúshterde bolǵan. Sýıtsıd áreketteri – 4942. Onyń ishinde Qarýly kúshterdegisi –7. ıAǵnı bul 0,6 paıyzy. Bul jerde men osy sandardyń artyna jasyraıyn dep turǵan joqpyn, durys túsinińizder. Jańa da aıtqanymdaı, arnaıy top quryldy. Sol top sýıtsıd derekterin azaıtý boıynsha jumys júrgizip jatyr»,- dedi Darhan Ahmedıev.

Foto: ortcom.kz