Áskerı bıletti zańsyz bergen: BQO-da qorǵanys bóliminiń qyzmetkeri qamaýǵa alyndy

ORAL. QazAqparat – Batys Qazaqstan oblysynda aýdandyq qorǵanys isteri bóliminiń qyzmetkeri birneshe ret para aldy degen kúdikke ilindi, dep habarlaıdy QazAqparat tilshisi.

BQO boıynsha sybaılas jemqorlyqqa qarsy is-qımyl departamentinen málim etkenindeı, qazirgi kezde sotqa deıingi tergeý amaldary jalǵasyp jatyr.

«Atalǵan laýazymdy qyzmetker áskerden jaltarǵandarǵa áskerı bıletterdi zańsyz bergeni úshin birneshe ret para aldy delinip otyr. Kúdikti tergeý sotynyń sanktsııasymen qamaýǵa alyndy. QR Qylmystyq is júrgizý kodeksiniń 201-babyna sáıkes ózge aqparat jarııa etýge jatpaıdy», - dep habarlady vedomstvodan.

Eske sala keteıik, budan buryn BQO-da polıtsııa qyzmetkeri para aldy degen kúdikke ilingenin jazǵan bolatynbyz.

Sondaı-aq BQO-da kóliktik baqylaý ınspektsııasynyń úsh qyzmetkeri para aldy degen kúdikke ilindi.